Սոչիում ծնվել է երեխա` ներքին օրգանների հակառակ դասավորությամբ

Սոչիում ծնվել է մի երեխա, ում ներքին օրգանները ունեն հայելային դասավորություն: Այս մասին տեղեկացնում է Interfax-ը: «Տաս հազար մարդուց միայն մեկի մոտ կարող է հանդիպել, որ մեկ օրգանը, կամ մի քանիսը, ունենան հայելային դասավորություն: Սա բացառիկ դեպք է իմ 26-ամյա աշխատանքային փորձում, և նման պատոլոգիայով երեխա առաջին անգամ է Սոչիում ծնվել», - նշել է Սոչիի 4-րդ մանկական հիվանդանոցի վիրաբուժության բաժանմունքի գլխավոր բժշկի տեղակալ Խամզատ Իսաևը:

Նորածին մանկիկը ծննդատնից տեղափոխվել է մանկական հիվանդանոց: Նրա շնչառությունը դեռ կարգավորվում է արհեստականորեն` թոքերի օդափոխման սարքավորման միջոցով: «Սրտի արատ չի հայտնաբերվել: Կան այլ արատներ, սակայն որոնք այնքան էլ էական չեն», - նշել է Իսաևը:

Բժիշկների խոսքերով, երեխայի վիճակը կայուն է, օրգանների պատվաստման կարիք չկա:

Հարցեր, պատասխաններ, մեկնաբանություններ