ԱՄՆ-ում առաջին անգամ վերջին տասը տարվա ընթացքում գրանցվել է ծնելիության ցուցանիշի անկում

Տնտեսական ճգնաժամը ԱՄՆ-ում բերել է ծնելիության նվազման: ԱՄՆ առողջապահական վիճակագրության կենտրոնի տվյալներով, 2008-ին` առաջին անգամ տասը տարվա ընթացքում ծնելիության ցուցանիշը նվազել է: Նախորդ տարի ԱՄՆ-ում ծնվել է մոտ 4 մլն 247 հազար երեխա, ինչը 68 հազարով կամ 2 տոկոսով ցածր է 2007-ի ցուցանիշից:

Իսկ մինչ այդ, ըստ ամերիկյան լրատվամիջոցների, ծնելության ցուցանիշը տարեցտարի ավելանում էր: Ծնելության ցուցանիշի նվազումը ԱՄՆ-ում անակնկալ չեն համարում:

«Մարդիկ անհնար են համարում երեխա ունենալ այն ժամանակ, երբ երկրում աճում է գործազրկության մակարդակը»,-ասել է կենտրոնի պրոֆեսորներից մեկը` Քերոլ Հոգը:

Գիտնականներն այն կարծիքին են, որ առաջիկա մեկ կամ երկու տարվա ընթացքում ամերիկյան հասարակության մեջ այդ միտումները կպահպանվեն: Կենտրոնը սակայն չի հրապարակել տվյալներ, թե այդ ժամանակամիջոցում որքանով են ավելացել արհեստական ընդհատումների թիվը:

Հարցեր, պատասխաններ, մեկնաբանություններ