Ճապոնացի գիտնականները ցողունային բջիջներից աղիք են աճեցրել. news.am

Ճապոնացի գիտնականներն առաջին անգամ ամբողջությամբ գործող աղիք են աճեցրել մարդու էմբրիոնային ցողունային բջիջներից: Այս մասին հաղորդում է Մանկական առողջության եւ զարգացման ճապոնական ազգային կենտրոնը:

Ցողունային բջիջներից աճեցված աղիները կարող են կլանել մարսված սնունդը, ինչպես նաեւ ներծծել պրոտեիններն ու ջուրը:

Կենտրոնի տնօրեն Հիդենորի Ակուցուի գլխավորած հետազոտողների խումբը հատուկ սպիտակուցների երեք տեսակ է օգտագործել, իսկ մեկ սանտիմետր երկարությամբ աղին ձեւավորվել է 1-2 ամսվա ընթացքում:

Գիտականների կարծիքով՝ այս գիտական առաջընթացն ապագայում կարող է օգնել դժվար բուժվող հիվանդությունների, մասնավորապես՝ Քրոնի հիվանդության դեմ պայքարում:

Հարցեր, պատասխաններ, մեկնաբանություններ