Կանադացի ռեժիսորի մեկ աչքի փոխարեն տեսախցիկ է տեղադրված. tert.am

Կանադացի ռեժիսոր Ռոբ Սփենսն այնքան նվիրված է իր աշխատանքին, որ իր ակնագնդերից մեկը փոխարինել է տեսախցիկով: Ընթերցողներին չսարսափեցնելու համար  Oddity Central-ը տեղեկացնում է, որ խոսքն  իրականում ոչ թե իսկական ակնագնդի մասին է, այլ կեղծ ակնագնդի, որը կանադացին կրում է դեռ մանկուց: 

43-ամյա Սփենսի մեկ աչքը կուրացել է 9 տարեկանում դժբախտ պատահարի հետևանքով, որից հետո կեղծ ակնագունդ է կրում: Վերջերս նա որոշել է, որ առավել արդյունավետ կլինի հեռացնել այն և դրա փոխարեն իր իսկ  պատրաստած տեսախցիկը տեղադրել:

Աչք-տեսախցիկը սովորական պրոթեզի տեսք ունի: Դրանով Սփենսը չի կարող որևէ բան տեսնել, սակայն կարող է նկարահանել այն ամենն, ինչ տեղի ունենում աչքի առջև:

Հարցեր, պատասխաններ, մեկնաբանություններ