Ամերիկացի գիտնականները խոստանում են մարդկանց վերակենդանացնել` ուղեղները սառեցնելու միջոցով. tert.am

Ամերիկյան Humai ընկերության մասնագետները հայտարարել են, որ ստեղծել են մարդկանց վերակենդանացման տեխնոլոգիա: «Իզվեստիա»-ի փոխանցմամբ` ամերիկացի գիտնականները մարդկանց «այն աշխարհից» հետ են բերելու` օգտագործելով արհեստական ինտելեկտի ֆենոմենը: Դա իրականացվելու է մարդու ուղեղի սառեցման եղանակով, ինչից հետո ուղեղի մեջ հատուկ չիպ է տեղադրվելու:

Հետագայում, երբ տեխնոլոգիաները կտան այդ հնարավորությունը, նախատեսվում է չիպով սառեցված ուղեղը դուրս բերել պահպանման վայրից և տեղադրել նոր, արհեստական մարմնի մեջ:

Մահից հետո մարդուն ճշգրտությամբ «վերարտադրելու» համար մահից առաջ գիտնականները ուսումնասիրելու են նրա խոսելու ոճը, պահվածքը, սովորությունները: Այդ տվյալներն էլ հենց կոդավորվելու են չիպի մեջ:

Հարցեր, պատասխաններ, մեկնաբանություններ