Գիտնականներն իրականացրել են քվանտային տելեպորտացիա՝ ավելի քան 100 կիլոմետր հեռավորությամբ. 1in.am

Optica պարբերականի փոխանցմամբ՝ ամերիկյան ու ճապոնական համալսարանների հետազոտողներն օպտիկամանրաթելով իրականացրել են ավելի քան 100 կիլոմետր հեռավորությամբ քվանտային տելեպորտացիա։ Դա քառակի գերազանցում է այդ գործընթացի հեռավորության նախկին ռեկորդը։ Փորձի ժամանակ օպտիկամանրաթելով իրականացվել է 102 կիլոմետր հեռավորությամբ քվանտային տելեպորտացիա։

Գիտնականներն ընդգծում են, որ հաջողվել է հեռավորության նախկին ռեկորդը քառակի գերազանցել միաֆոտոն դետեկտորի կիրառման շնորհիվ։ Փորձի ժամանակ չի իրականացվում ֆոտոնների անմիջական տեղափոխում, սակայն նրանց վիճակը փոխանցվել է ակնթարթորեն։ Օպտիկամանրաթելով քվանտային տելեպորտացիայի հեռավորության նախկին ռեկորդը կազմել է 25 կիլոմետր։ Քվանտային տելեպորտացիայի հեռավորության բացարձակ ռեկորդը կազմել է 144 կիլոմետր։

Հարցեր, պատասխաններ, մեկնաբանություններ