Ամերիկացիներն առաջին անգամ դեղորայքը նշանակման վայր են հասցրել անօդաչու թռչող սարքով. 1in.am

Vademecum-ի փոխանցմամբ՝ ամերիկացի մասնագետները լոգիստիկ նպատակներով որոշել են օգտագործել անօդաչու թռչող սարքեր (ԱԹՍ)։ ԱԹՍ-ն առաջին անգամ օգտագործվել է դեղորայքը դեղատնից հիվանդանոց հասցնելու համար։ Դա իրականացվել է մի քանի փուլով։

Նախ, ինքնաթիռը Վիրջինիայից դեղատան դեղորայքի 24 փաթեթը հասցրել է Թեքսաս նահանգի Ուայզ շրջան, ապա ԱԹՍ-ն մի քանի անգամ (յուրաքանչյուր թռիչքը տևել է մոտ 3 րոպե) դեղորայքը հասցրել է կլինիկա։ Բեռը հիվանդանոցի շենքի մոտ իջեցրել են պարանի օգնությամբ։ Flirtey ընկերության գործադիր տնօրեն Մեթ Սուինին հայտարարել է՝ տեղի ունեցածն ապացուցում է, որ անօդաչու թռչող սարքը կարող է նշանակման վայր հասցնել դեղորայք, որն անհրաժեշտ է մարդկային կյանք փրկելու համար, և դա կարևոր քայլ է դեպի ապագա։

Հարցեր, պատասխաններ, մեկնաբանություններ