Աշխարհը շարժվում է դեպի նոր «սառցե դարաշրջան». գիտնականներ. tert.am

Նոր «սառցե դարաշրջանի» մեկնարկից աշխարհին բաժանում է ուղիղ 15 տարի, նախազուշացրել են Նորթումբրիա համալսարանի գիտնականները: Նրանց կանխատեսման համաձայն, 15 տարի անց սկսվելու է «մինի սառցե դարաշրջան», որի ընթացքում ամբողջ մոլորակով մեկ գրանցվելու են աննախադեպ ցուրտ ձմեռներ:

Ինչպես նշում է telegraph.co.uk–ը, համալսարանի գիտական թիմը նման եզրահանգման է եկել` ուսումնասիրելով Արևի ներսում տեղի ունեցող ֆլյուիդային շարժումները, որոնք թույլ են տալիս ճշգրիտ կանխատեսել հաջորդ տարիներին տեղի ունենալիք եղանակային փոփոխությունները:
 
Ըստ մասնագետների, ֆլյուիդային շարժումների ուսումնասիրությունը ցույց է տվել, որ 15 տարի անց գրանցվելու է ջերմաստիճանի աննախադեպ կտրուկ անկում: Այլ կերպ ասած՝ Արևի ակտիվությունը 60 տոկոսով անկում է գրանցելու: Դրա հետևանքով բազմաթիվ խոշոր գետեր`օրինակ Թեմզան, կսառչեն և ձմռան ամիսներին դրանց վրայով հնարավոր կլինի ոտքով  քայլել:

Աղբյուրը մանրամասնում է, որ նմանատիպ «սառցե դարաշրջան» վերջին անգամ գրանցվել է  1645-1715թթ.` Եվրոպայի և Հյուսիսային Ամերիկայի տարածքում:

Հարցեր, պատասխաններ, մեկնաբանություններ