Առանց աչքերի, քթի ու բերանի ծնված երեխան բարեհաջող վերականգնողական վիրահատության է ենթարկվել. tert.am

Առանց քթի ու աչքերի և թերի բերանով ծնված 4 ամյա տղան՝ մարոկոյից, կյանքի նոր ուղեգիր է ստացել՝ 18-ժամյա վիրահատությունից հետո:

The Independent-ը մանրամասնում է, որ նշվածից բացի երեխայի մոտ բացակայել են նաև գանգի մասեր: Սակայն այժմ նրա դեմքը վերականգնվել է բացառիկ վիրահատության միջոցով:

Մարոկոյի Տանժեր քաղաքի գյուղերից մեկում ծնված Յահյա ալ-Ջաբալի անունով երեխան ծնվել էր առանց դիմային ոսկրերի, ինչն էլ թույլ չէր տվել, որ նրա դեմքը պատշաճ ձևով ձևավորվի:

Այժմ նրա կյանքը փոխած վիրահատությամբ օգնության են հասել ավստրալիացի բժիշկները: Ի դեպ, օգնության հույս է հայտնվել այն բանից հետո, երբ Յահյայի ընտանիքի հարևանը Facebook-ով դիմել է աշխարհին:

Հարցեր, պատասխաններ, մեկնաբանություններ