Հնդիկի օրգանիզմից ձմերուկի չափի երիկամային քարեր են հանել. 1in.am

Հնդիկ բժիշկները Նյու Դելիի 66-ամյա բնակիչ Կեյպլշվար Լալ Դասի մարմնից ռեկորդային չափի երիկամային քարեր են հանել: Դրանցից յուրաքանչյուրը կշռել է ավելի քան 5 կգ և եղել է ձմերուկի չափ: Վիրահատությունը տևել է 5 ժամ և հաջող է անցել, հայտնում է Mirror-ը:

Թոշակառուն, ով կլինիկա է դիմել հազի և որովայնի ցավի բողոքներով, պարզվում է՝ ամենամեծ երիկամային քարերն է ունեցել, որոնք երբևէ տեսել են հնդիկ բժիշկները:

«Դրանք պարզապես հսկայական էին և ամուր կպած լյարդին ու հաստ աղիքին: Այդ երիկամային քարերի հեռացման վիրահատությունն ամենաբարդ միջամտություններից էր, որ իրականացրել ենք ենք»,- ասել է վիրաբույժ Մուկուր Դիպի Ռեյը:

Վիրահատությունից հետո հիվանդն ասել է, որ երկար տարիներ անց առաջին անգամ իրեն լավ է զգում:

Հարցեր, պատասխաններ, մեկնաբանություններ