Չինացու մաշկի տակից երկու տասնյակ թրթուր է հեռացվել. news.am

Չինաստանի՝ եկամուտ ձեռք բերելու նպատակով արեւադարձային երկներ մեկնած միջին տարիքի բնակիչներից մեկը, վեց ամիս անց վերադառնալիս, ո'չ միայն ձեռք բերված ողջ գումարն է.. իր հետ բերել, այլ նաեւ՝ անկոչ հյուրերի, որոնց թիվը երկու տասնյակի է հասնում:

The Dailу Mail-ի հաղորդմամբ, Մա ազգանունը կրող տղամարդը՝ Չինաստանի Գուանչժոու քաղաքից, բժշկի օգնությանն է դիմել՝ Աֆրիկայից վերադառնալուց հետո ի հայտ եկած մաշկային քորը բուժելու եւ թարախակույտերը հեռացնելու խնդրանքով: 

Բժիշկը հակաբորբոքային դեղամիջոցներ է նշանակել, որոնց, ավաղ, երկու շաբաթվա ընթացքում որեւէ օգուտ չեն տվել տղամարդուն: Ճարահատյալ չինացին ի վերջո Շենչժեն քաղաքում գործող բուժհաստատություններից մեկի մաշկաբանին է դիմել. վերջինս ենթադրել է, որ մաշկային ցանի պատճառն իրականում ոչ թե ալերգիկ ռեակցիան է, այլ՝ Cordylobia anthropophaga ճանճի թրթուրի հրահրմամբ ի հայտ եկող միազը, ինչը կորդիլոբիոզ անվամբ է հայտնի: Կարճ ժամանակ անց նախնական ախտորոշումը հաստատվել է:

Մի փոքր ավելի ուշ իրականացված վիրաբուժական միջամտության արդյունքում տղամարդու մաշկի տակից Տումբու արեւադարձային ճանճի քսան թրթուրներ են հեռացվել: Էգ տումբուները սովորաբար մեզով եւ կղանքով շաղախված հողի մեջ են ձվադրում, սակայն ձվերն այնուհետեւ կաթնասունների մաշկի տակ ներթափանցելու հատկություն են դրսեւորում:

Առավել հաճախ վերը նկարագրված ներթափանցման զոհը առնետներն են դառնում, սակայն մարդու օրգանիզմը եւս չափազանց հարմար է: Օրգանիզմ անցնելով, թրթուրները սկսում են ուռուցքներ առաջացնել ենթամաշկային հյուսվածքներում:

Հարցեր, պատասխաններ, մեկնաբանություններ