Հարվարդի համալսարանի գիտնականները սովորել են ստեղծել ինսուլին արտադրող բջիջներ. artsakhpress.am

Հարվարդի համալսարանի մասնագետները սովորել են ստեղծել մեծ քանակությամբ այնպիսի բջիջներ, որոնք ինսուլին են արտադրում: Ինչպես հաղորդում է «Արցախպրես»-ը՝ հղում անելով The Daily Telegraph թերթի Էլեկտրոնային տարբերակին, գիտանականներն առաջին անգամ կարողացել են ստանալ փոխպատվաստման համար անհրաժեշտ մեկ միլիոն բջիջներ:

Ենթադրվում Է, որ գիտական նվաճումն առաջին տիպի շաքարախտով հիվանդներին թույլ կտա հրաժարվել ինսուլինի ամենօրյա ներարկումներից, տեղեկացնում Է «Արմենպրես»-ը:

Պրոֆեսոր Դագ Մելթոնն իր կյանքի 23 տարին նվիրել Է այդ հետազոտություններին եւ այն հիվանդության դեմ դեղամիջոցի որոնումներին, որը մանկության տարիներին ախտորոշվել Է նրա որդու՝ Սեմի մոտ: «Մենք գտնվում ենք փորձարկումների ավարտից մեկ քայլի վրա»,- նշել է նա:

Ներկայում բջիջների փորձարկումներ են կատարվում կենդանիների, այդ թվում՝ պրիմատների վրա, եւ դրանք փոխպատվաստումից հետո արդեն մի քանի ամիս է, ինչ ինսուլին են արտադրում, հաղորդել Է ՏԱՍՍ-ը:

Հարցեր, պատասխաններ, մեկնաբանություններ