Մատների զգայունությամբ ամերիկյան ռոբոտը գերազանցել է մարդուն. 1in.am

Ամերիկացի գիտնականները ռոբոտին զինել են նոր տեսակի սենսորով, որի շնորհիվ մեքենան կարողացել է բռնել օդում ազատ կախված USB մալուխն ու տեղադրել այն բնիկում: Այս մասին ասվում է Մասաչուսեթսի տեխնոլոգիական ինստիտուտի կայքում:

Նոր ցուցիչը ցուցադրվել է «խելացի» ռոբոտների ու համակարգերի միջազգային համաժողովում, որն անցկացվել է Չիկագոյում սեպտեմբերի 14-18-ը: Արդյունաբերական ռոբոտներն օբյեկտների հետ աշխատանքում ունակ են բարձր ճշգրտության, սակայն GelSight ցուցիչի օգնությամբ օդում կախված մալուխը գտնելն ու տեղադրելն աննախադեպ է:

Սենսորների մեծ մասն աշխատում է մեխանիկական ուժով, իսկ GelSight-ը կիրառում է օպտիկան և պատկերների ճանաչման ալգորիթմները: Այլ կերպ ասած՝ ազդանշանը վերածվում է վիզուալ պատկերի, որի հետ էլ աշխատում է ռոբոտի «ուղեղը»:

Հարցեր, պատասխաններ, մեկնաբանություններ