Աշխարհում ամենամեծ ձեռքերով կինը հրաժարվում է վիրահատությունից. 1in.am

Թաիլանդի 59-ամյա բնակչուհի Դուանգջեյ Սամակսամամը գրեթե կես դար տառապում է ձեռքերի մատների տեղային խոշորացումից: Դրա պատճառով նրա վերջույթներից յուրաքանչյուրը արդեն կշռում է մի քանի տասնյակ կգ: Այդուհանդերձ, ինչպես գրում է Daily Star-ը, կինը չի ցանկանում վիրահատվել:

Կինը այդ հիվանդությամբ տառապում է մանկուց: Մինչև 20 տարեկանը նա ամաչել է դուրս գալ տնից, որ մարդիկ չտեսնեն իր ձեռքերը, սակայն ծնողները նրան ստիպել են աշխատել ընտանեկան խանութում, որտեղ էլ նա մինչ օրս աշխատում է:

Բժիշկներն ասում են, որ ձեռքերի ցավից կնոջը կարող են ազատել միայն երկու ձեռքերը հեռացնելով: Սակայն հիվանդը չի համաձայնում՝ հավատալով, որ բժիշկները կկարողանան իրեն բուժել՝ առանց նման արմատական միջոցի դիմելու:

Հարցեր, պատասխաններ, մեկնաբանություններ