Չինաստանում վիրահատելու են ողնաշարի յուրօրինակ ախտաբանությամբ մարդուն. 1in.am

Չինաստանի 15-ամյա բնակիչ ֆու Վենգույն ի ծնե տառապում է սկոլիոզի ծանր տեսակով: Պատանին ողնաշարի երեք լրացուցիչ սկավառակ ունի: Հազվադեպ անոմալիան խանգարում է նրան քայլել և միաժամանակ ուժեղ ցավ է պատճառում:

Բարեբախտաբար, նրա տառապանքները շուտով կավարտվեն՝ հաղորդում է Mirror:

Դեռահասի հայրը պատմել է, որ ամեն անգամ որդու փողոց դուրս գալուց իրարանցում է առաջանում: Դպրոցում երեխային անընդհատ ծաղրել են համադասարանցիները, ինչը լավ չի ազդել նրա սոցիալականացման և հաջողությունների վրա: Բժիշկներն ասում են, որ Ֆու Վենգույը տառապում է ի ծնե ունեցած սկոլիոզից, որը, ի տարբերություն այդ հիվանդության ձևերի, կապ չունի տղայի ծռված դիրքի հետ:

Պեկինի բարեգործական կազմակերպություններից մեկն արդեն համաձայնել է վճարել բարդ վիրահատության համար, որն անպայման պետք է իրականացվի դեռահասի մոտ: Թե ինչպիսի արդյունքներ կունենա դա՝ ցույց կտա ժամանակը:

Հարցեր, պատասխաններ, մեկնաբանություններ