Սերմնառոբոտները օգնում են արհեստական բեղմնավորման դեպքում. med.news.am

Թվում է, թե մեզ ոչինչ այլեւս չի կարող զարմացնել ռոբոտների արտադրության բնագավառում, բայց գիտնականները ստեղծել են փոքրիկ սարքեր, որոնք նմանակում են սպերմատոզոիդներին, հայտնում է Fox News-ը։

Այս փոքրիկ սարքերը մագնիսական դաշտի օգնությամբ նմանակում են սպերմատոզոիդի ձեւը եւ շարժումները  «MagnetoSperm»-ի աշխատանքները կարող են օգտակար լինել դեղամիջոցների պատրաստման կամ արհեստական բեղմնավորման համար, ասել են հետազոտողները։

Տեխնոլոգիաների կատարելագործումը նպաստում է նանոտեխնոլոգիաների ստեղծմանը, բայց չափազանց դժվար է հավաքել այդ փոքրիկ սարքերը (որոնք մեկ մետրի միլիարդերորդ մասն են կազմում),ասել են հետազոտողները։ 

Հետազոտության ղեկավար, ինժեներ - մեխանիկ Սարթակ Միշրան՝ Նիդեռլանդների Տվենթ համալսարանից, եւ իր խումբը նախագծել են փոքր մասշտաբներ ունեցող, բայց դժվար առաջադրանքներ կատարող ռոբոտներ։

Applied Physics Letters ամսագրում հրապարակված այս նոր հետազոտության շրջանակներում հետազոտողները ստեղծել են 1 միկրոն երկարությամբ (մոտավորապես 10 անգամ ավելի լայն, քան մարդու մազը), կոբալտով պատված գլուխներով եւ անծածկույթ պոչիկով 322 ռոբոտ։

Երբ սպերմառոբոտերը ենթարկվում են մագնիսական դաշտի տատանումներին, մագնիսական դաշտի ուժը ստիպում է սպերմառոբոտերի գլխիկներին պտտվել, իսկ դրանց պոչերը առաջ ու ետ են շարժվում։ Հետազոտողները մագնիսական դաշտի օգնությամբ ռոբոտներին ուղղորդել են անհրաժեշտ կետը։

Մագնիսական «լողորդները» կարող են մի շարք կենսաբանական կիրառույթուններ ունենալ, եւ կարող են օգտագործվել դեղամիջոցների պատրաստման, արհեստական բեղմնավորման եւ խցանված զարկերակների մաքրման համար, ասել են հետազոտղները։

Հետազոտողները ծրագրել են, որ պետք է ավելի մեծացնեն ռոբոտների չափերը եւ ստեղծեն նանոֆիբրեր, որոնք հնարավոր կլինի օգտագործել պոչիկի համար։

Հարցեր, պատասխաններ, մեկնաբանություններ