Ավստրալիայում երկդիմի մանկիկ է ծնվել (սեսահոլովակ). med.news.am

Սիդնեյում սիամական երկվորյակներ են ծնվել. Տեղի բնակչուհին մեկ մարմնով, ներքին օրգաններով եւ գանգով, բայց երկու երեսով եւ գանգուղեղով դուստրեր է ունեցել։

Թեպետ մամուլը գրում է մեկ երեխայի ծնունդի մասին, ծնողները՝ Ռենե Յանգը եւ Սայմոն Հոուին, համարում են, որ երկու աղջիկ են ունեցել։ Այն մասին, որ երեխաները արատով են ծնվելու, ծնողներն իմացել են դեռեւս հղիության 19-րդ շաբաթում։ Աբորտի գաղափարը ապագա ծնողները մերժել են, հայտարարելով, որ իրենց ուժեղ ընտանիքը սատար կլինի արատներով երեխային։ Ռենեն այդ ժամանակ արդեն յոթ երեխայի մայր էր։

Երկդիմի մանկիկը ծնվել է կեսարյան հատումով, այժմ երեխան ինքնուրույն շնչում է եւ կերակրման հետ խնդիրներ չունի։ Համարելով, որ լույս աշխարհ են եկել երկու աղջիկ, ծնողները նրանց անվանել են Ֆեյթ (հավատ) եւ Հոուփ (հույս)։

Նման անոմալիայով երեխաների ծնունդը շատ հազվադեպ երեւույթ է։ Ֆեյթը եւ Հոուփը կրանիոֆացիալ դուպլիկացիայի զոհ են դարձել. գիտությանը նման շեղման ընդամենը 30 դեպք է հայտնի։ Գիտնականները կարծում են, որ այն տեղի է ունենում SHH գենի անոմալ ակտիվության հետեւանքով էմբրիոնների ոչ լրիվ բաժանման պատճառով։

Թեպետ ավստրալացի աղջիկներն իրենց լավ են զգում, բժիշկները հրաժարվում են կանխատեսումներ անել նրանց հետագա զարգացման եւ վիճակի վերաբերյալ։ Ոչ մի երկդիմի երեխա մինչ օրս չի կարողացել պահպանել իր գոյությունը։

Հարցեր, պատասխաններ, մեկնաբանություններ