17-ամյա բրիտանուհին առեղծվածային հիվանդության պատճառով վերածվում է «կենդանի քանդակի» (լուսանկարներ)

Բրիտանուհի Սինի Նամոքն առաջին հայացքից գրեթե չի տարբերվում իր  հասակակիցներից, սակայն իրականում նա տառապում է առեղծվածային գենետիկ մի հիվանդությամբ, որի  հետևանքով աղջիկը կամաց-կամաց վերածվում է «կենդանի քանդակի»։

Ինչպես նշում է Daily Mail-ը, հազվագյուտ  հիվանդության հետևանքով նա դանդաղորեն կաթվածահար է լինում։ Լոնդոնի 17-ամյա բնակչուհու հիվանդությունը կոչվում է fibrodysplasia ossificans progressiva. աղջկա մարմնի մկաններն ու ջլերը ամրանում են՝  վերածելով ոսկրի։

Աղջկա թևերն ու գոտկատեղն արդեն կորցրել են իրենց ճկունությունն, ու դրանք անհնար է շարժել։ Բացի այդ, նրա ուսերի հատվածում ավելորդ ոսկր է աճել, ինչի հետևանքով աղջիկն առանց կողմնակի օգնության չի կարողանում գլուխը լվանալ, մազերը սանրել ու հագնվել։

Ցավոք այս հիվանդությունը բուժում չունի։ Ներկայում ամբողջ աշխարհում կա 600 մարդ, ով տառապում է այս հիվանդությունից։ Այժմ Սինին հիվանդության դեմ պայքարում է միայն ցավազրկողների միջոցով։

Հարցեր, պատասխաններ, մեկնաբանություններ