Բժիշկները վիրահատություն են կատարել լապտերի լույսի տակ

Արգենտինայի Չակո նահանգի հիվանդանոցներից մեկի վիրաբույժները ստիպված են եղել վիրահատություն կատարել գրպանի լապտերի ու բջջային հեռախոսների լույսի տակ:

Դեռահաս տղան դժբախտ պատահարից հետո հիվանդանոց էր տեղափոխվել բազմաթիվ վնասվածքներով: Նրա կյանքին վտանգ էր սպառնում, այդ պատճառով էլ շտապ վիրահատություն էր անհրաժեշտ: Հենց այդ պահին հանկարծ անջատվել է հիվանդանոցի էլեկտրականությունը: Բժիշկները որոշում են կայացրել վիրահատությունն անց կացնել գրպանի լապտերի ու բջջային հեռախոսների լույսի տակ: Այս պայմաններում վիրահատությունն ընթացել է 40 րոպե: 

Հիվանդն արդեն ապաքինվում է:

Հարցեր, պատասխաններ, մեկնաբանություններ