Արևը սարսափելի ազդեցություն է թողել 28 տարվա վարորդի դեմքի այն հատվածի վրա, որն ուղղված է եղել պատուհանի կողմը

Բրիտանական The Daily Mail պարբերականը այսօր հրապարակել է բեռնատարի 28 տարվա վարորդի լուսանկարը, որտեղ ակնհայտ կերպով երևում է դեմքի մաշկի վրա արևի ունեցած ազդեցությունը: 69-ամյա տղամարդու դեմքի կնճռոտված հատվածը այդ տարիների ընթացքում ուղղված է եղել պատուհանի կողմը` անմիջապես արևի ճառագայթների տակ: Դեմքի ձախ հատվածի մաշկը ավելի ծեր է երևում, կնճռոտված, քան մյուս հատվածը: Լուսանկարը վկայում է մաշկի վրա արևի ծերացնող ազդեցության մասին: Լուսանկարն ուսումնասիրել է Չիկագոյի Հյուսիսարևմտյան համալսարանի գիտնականները:

Այդ էֆեկտի մեղավորը արևի ուլտրամանուշակագույն UVA ճառագայթներն են, որոնք մթնոլորտում առկա են նույնիսկ ամպամած օրերին, ի տարբերույթունը UVB ճառագայթների, որոնց ազդեցության հետևանքով կարող է մաշկի քաղցկեղ առաջանալ: Մասնագետները շարունակում են մաշկի վրա արևի ճառագայթների ազդեցության ուսումնասիրությունները:

Հարցեր, պատասխաններ, մեկնաբանություններ