Մեկ սրտով սիամական երկվորյակների կյանքին վտանգ է սպառնում. բժիշկները ժամանակ են ձգում

Իտալիայում ծնված սիամական երկվորյակների կյանքը վտանգի տակ է և նրանցից գոնե մեկի կյանքը փրկելու համար անհրաժեշտ է վիրահատություն, որը հանգեցնելու է մյուսի մահվանը։
Corriere della Sera պարբերականը գրում է, որ փոքրիկները ծնվել են շատ փոքր՝ 2,5 կիլոգրամ քաշով։ Սիամական երկվորյակներն ունեն մեկ ընդհանուր սիրտ, լյարդ աղիքներ ու մարմնի մի հատվածը։

Լուչիայի ու Ռեբեկայի սիամական երկվորյակ լինելու մասին նրանց ծնողները տեղեկացված են եղել և որոշել են չընդհատել հղիությունը։ Հղիության ընթացքին հետևել է ավելի քան 40 բժիշկ և մի քանի տասնյակ բուժքույր։

Բոլոնիայի հիվանդանոցներից մեկի գլխավոր բժիշկ Մարիո Լիմայի գտնում է, որ վիրահատական միջամտությունն անհրաժեշտ կլինի, երբ երկվորյակների կյանքին իրական վտանգ սպառնա։ Սակայն նույնիսկ այդ դեպքում ողջ մնացած երեխայի ապրելու հավանականությունը 20% է։

Հարցեր, պատասխաններ, մեկնաբանություններ