Միս՝ մարդու կղանքից և շիթբուրգերներ. ճապոնացիների նոր գյուտը

Ճապոնացի գիտնականները աշխարհի պարենային խնդիրների լուծման ձև են գտել։ Digital Trends պարբերականի փոխանցմամբ, նրանք միս են սինթեզել մարդկային կղանքից։ Հայտնագործությունն արվել է Տոկիոյի կոյուղին սպասարկող ընկերության պատվերով։ Ընկերությունը ցանկացել է՝ գիտնականները լուծեն կոյուղում հսկայական քանակությամբ կուտակված արտաթորանքի խնդիրը։ Արդյունքում մասնագետները պարզել են, որ այդ հումքը կարող է վերածվել մսի։ Պարզվել է, որ կղանքում կան բակտերիաներ, որոնք այն կարող են դարձնել պրոտեիններ, և գիտնականներին մնացել է միայն ռեակցիայի արագացուցիչներ ավելացնել։ Կղանքից ստացված միսը վերջնական տեսքի բերելու համար ավելացվում են նաև կարմիր գունանյութ ու սոյայի հիմքի վրա համի կայունացուցիչներ։

Այս միսը համտեսած մարդիկ միաձայն նշում են, որ այն գրեթե չի տարբերվում սովորականից, իսկ սննդի որոշ օբյեկտներում առաջարկվող համբուրգերները արդեն ստացել են շիթբուրգեր անվանումը։

Որոշ բնապահպաններ գոհունակությամբ նշում են, որ արհեստական մսի այս հայտնագործումը կարող է մի շարք բնապահպանական խնդիրներ լուծել։ Խոսքը մթնոլորտ արտանետվող ջերմոցային գազերի մասին է, որի ընդհանուր ծավալի 18 %-ը հետևանք է անասնապահության, որի համար միևնույն ժամանակ ծախսվում են արժեքավոր ռեսուրսներ։

Հարցեր, պատասխաններ, մեկնաբանություններ