Աշխատանքի ընթացքում հաճախակի սթրեսները կարող են հանգեցնել իմուն համակարգի գենետիկ փոփոխությունների

Հայտնի է, որ հաճախակի սթրեսները կարող են պատճառ դառնալ, որ իմուն համակարգի բջիջները պայքար սկսեն իրականում գոյություն չունեցող հիվանդությունների դեմ:

Աշխատանքում հանդիպող անհարթություններով պայմանավորված սթրեսներն առաջին հերթին հանգեցնում են սրտանոթային հիվանդությունների,  իսկ չհասկացող ղեկավարության հետ լարված պայմաններում ծանր աշխատանքը կարող է հանգեցնել իմուն համակարգի գենետիկ փոփոխությունների, հաղորդում է Globalscience.ru-ն:

 ԱՄՆ-ի Օհայոյի համալսարանի գիտնականները ուսումնասիրել են մարդու արյան նմուշները, ովքեր աշխատանքի պատճառով հաճախ էին անհանգստանում: Մասնագետները դրանք համեմատել են լաբորատոր կրծողների արյան նմուշների հետ, որոնց համար փորձառական նպատակներով սթրեսային իրավիճակներ են ստեղծել: Արդյունքում գիտնականները հայտնաբերել են բորբոքված բջիջներ, որոնք պայքարում էին գոյություն չունեցող հիվանդությունների դեմ: Իմուն համակարգի բջիջները բորբոքվելով՝ առաջին հերթին բացասաբար են ազդում սրտի, լյարդի ու արյունատար անոթների աշխատանքի վրա:

Հարցեր, պատասխաններ, մեկնաբանություններ