Գիտնականները սովորել են միացնել ու անջատել սեռական ակտիվությունը. tert.am

Ամերիկյան գիտնականները սովորել են վերահսկել ինտիմ գործընթացը՝ միացնելով կամ անջատելով զուգընկերների սեռական ցանկությունը նրանց օրգանիզմների վրա մագնիսական դաշտի ազդեցության միջոցով: Այս բացահայտման հեղինակները Կալիֆորնիայի և Պիտսբուրգի համալսարանների մասնագետներ են, գրում է Gogetnews-ը:

Մասնագետները նշում են, որ մարդու ուղեղում կա հաճույքի հատուկ կենտրոն, որի վրա ներազդելու միջոցով հնարավոր է առաջացնել սեռական բավարարվածության զգացողություն: Տվյալ բաժինը ինչ-որ առումով կարող է մարդկանց վարքը կարգավորել, իսկ աշխատանքի խախտման դեպքում դեպրեսիայի, նևրոզի պատճառ դառնալ:

Արևմտյան մասնագետները մի քանի տարիների  ընթացքում մագնիսական դաշտի ազդեցությամբ փորձել են բուժել վերոնշյալ խանգարումները: Այն կարող է մեծ ազդեցություն ունենալ գլխուղեղի վրա կարճ իմպուլսների շնորհիվ: Գիտնականների համոզմամբ, ապագայում այդ մեթոդը կարող է օգնել նաև սեռական ցանկության հետ կապված խնդիրներ ունեցող մարդկանց:

Հարցեր, պատասխաններ, մեկնաբանություններ