2050թ. մարդիկ կդադարեն սեքսով զբաղվել բազմանալու համար. պրոֆեսոր. 1in.am

Սթենֆորդի համալսարանի պրոֆեսոր Կարլ Ջերասին կարծում է, որ մարդիկ 2050թ. կդադարեն սեքսով զբաղվել բազմանալու համար: Այս մասին գրում է The Telegraph-ը:Ըստ պրոֆեսորի, որը հակաբեղմնավորիչ հաբեր է ստեղծել, մարդիկ ապագայում կհրաժարվեն սեքսից՝ որպես բազմանալու միջոց՝ այն փոխարինելով արհեստական բեղմնավորման մեթոդով: Նրա կարծիքով՝ շուտով այդ պրոցեդուրան ավելի հասանելի կլինի:

Պրոֆեսորը կարծում է, որ մարդիկ կսառեցնեն իրենց ձվաբջիջներն ու սերմնահեղուկը, հետո կդիմեն մանրէազերծման գործընթացի: Այդպիսով, աբորտներն ավելի քիչ կլինեն, ինչը բարենպաստ ազդեցություն կունենա կնոջ օրգանիզմի վրա:

«Երիտասարդ աղջիկները կկարողանան սառեցնել իրենց ձվաբջիջները և հետաձգել հղիությունը: Նրանք հնարավորություն կունենան հանգիստ գտնելու հարմար զուգընկեր, սովորելու և կարիերա անելու և երեխաներ ունենալու, երբ իսկապես դա ցանկանան»,- կարծում է Ջերասին

Հարցեր, պատասխաններ, մեկնաբանություններ