Վ. Շահրամանյան. Հասարակությունը սկսել է ավելի քննադատորեն մոտենալ սեփական սեռական առողջությանը (տեսանյութ)

ԵՊԲՀ Սեքսապաթոլոգիայի կլինիկա դիմողների 25 տոկոսը կանայք են, 25 տոկոսը` ամուսնական զույգեր, 50 տոկոսը` տղամարդիկ: Այս տվյալներն ասուլիսում հայտնեց սեքսապաթոլոգ Վրեժ Շահրամանյանը: Ըստ նրա, տղամարդիկ ավելի շատ են դիմում, քանի որ նրանք, ի տարբերություն կանանց, ավելի անկաշկանդ են:

Բայց վերջին տարիներին մարդիկ, բժշկի խոսքով, սկսել են ավելի հաճախ դիմել բժշկին. «Մարդիկ համեմատաբար սկսել են անկաշկանդ լինել այդ հարցերում: Հասարակությունը սկսել է ավելի քննդատատորեն մոտենալ սեփական սեռական առողջությանը»: Վ. Շահրամանյանը նաև նշեց, որ սկսել են իրենց դիմել դեսահասները, երիտասարդները:

Խոսելով սեռական դաստիարակության մասին, մասնագետն ասաց, որ այն կազմում է ընդհանուր դաստիարակության մի մասը, օգնում է անձին դառնալ սեռապես ավելի կիրթ, նպաստում է, որ հետագայում անձը զերծ մնա զանազան սեռական խնդիրներից: Այս առումով, սեքսապաթոլոգի կարծիքով, սեռադաստիարակության մասին պետք է խոսել մանուկ տարիքից, երբ երեխան արդեն սկսում է հետաքրքրվել ամենատարրական, պարզ հարցով` որտեղից եմ ես լույս աշխարհ եկել: «Սեռակրթությունը սեքսի, դիրքերի մասին զրույց չէ: Սխալ են նման պնդումները»,- վստահեցնում է Վ. Շահրամանյանը:

Հարցեր, պատասխաններ, մեկնաբանություններ