Ինչու և ինչպես են պոռնոֆիլմեր նայում կանայք ու տղամարդիկ. հետազոտություն

Վերջապես ցրվել է միֆն այն մասին, թե պոռնոֆիլմերը դիտում և «գնահատում են» միայն տղամարդիկ, հայտնում է NY Daily News-ը՝ անդրադառնալով ֆրանսիացի գիտնականների հետազոտությանը:

Ըստ ուսումնասիրության՝ պոռնոֆիլմեր է նայել հարցված կանանց 82 տոկոսը. Տղամարդկանց դեպքում այդ թիվը կազմում է 99 տոկոս: Ֆրանուսհիների 4/5-րդը պոռնոֆիլմ է դիտել, յուրաքանչյուր երկրորդը՝ առանց իր զուգընկերոջ:

Ըստ հետազոտության՝ շատ կանայք նման ֆիլմերում կարևորություն են տալիս «բնական տեսքով» «դերակատարներին»: «Ռեալիստական» սեքսի տեսարանները կարևոր են կանանց 35 տոկոսի համար:

Հարցումն իրականացրել է IFOP վիճակագրության ինստիտուտը, դրան մասնակցել է 579 կին: Ուսումնասիրողները նաև հետաքրքիր զարգացում են մատնանշել. պոռնոֆիլմ նայելը արդեն սովորական է դարձել կանանց համար. 1992-ին այդ թիվը կազմել է 23, 2006-ին՝ 73, իսկ 2012՝ 82 տոկոս:

Կանանց 72 տոկոսը նաև կարծիք է հայտնել, թե նման ֆիլմերը «շատ այլասերող» են կանանց համար, այնինչ տղամարդկանց միայն 50 տոկոսն է այդպես կարծում: Կանանց 57 տոկոսը պոռնոֆիլմերը նաև դաժան է համարում. այդ կարծիքին է տղամարդկանց 41 տոկոսը:

Պարզվել է նաև, որ կանայք ավելի ուշադիր «հանդիսատես» են: Բացի այդ, նրանց միայն 5 տոկոսն է հաճախ մեծահասակների ֆիլմեր նայում, իսկ տղամարդկանց՝ 34 տոկոսը: Առանց սեռական փորձի կանայք կազմում են հաճախակի ֆիլմեր դիտողների 1/3-րդը:

Հարցեր, պատասխաններ, մեկնաբանություններ