Առողջ սեռական կյանքը երիտասարդ մնալու ամենալավ միջոցն է

Այդպիսի եզրահանգման են եկել բրիտանացի գիտնականները: Հրապարակված տվյալների համաձայն` օրինակ, շաբաթվա ընթացքում երեք անգամ սեքսով զբաղվող զույգը կարող է 10 տարով ավելի երիտասարդ երևալ շաբաթական երկու անգամ սեքսով զբաղվողներից: Այս մասին տեղեկացնում է ռումինական gandul.info-ն:

Նույն տվյալների համաձայն՝ դա նաև նիհարելու լավ միջոց է: Կախված «ներդրված ջանքերից»՝ սիրախաղերի ժամանակ զույգը րոպեում կորցնում է 5 կալորիա:

Եթե պարբերաբար զբաղվեն սեքսով, գիտնականների պնդմամբ՝ կարող են տևական ժամանակ մոռանալ մրսածությամբ հիվանդությունների մասին. չէ՞ որ զուր չեն ասում՝ սեքսը աղքատների ասպիրինն է: Սեքսը նաև հրաշալի հակասթրեսային միջոց է: Ակտիվ սեքսուալ կյանքը կարող է մարդկանց հանել դեպրեսիաներից, որովհետև սեքսով զբաղվելու ժամանակ կարգավորվում է արյան ճնշումը, և կրճատվում են սթրեսի հորմոնները:

Սեքսով զբաղվելը կարող է մարդկանց ազատել սրտի հետ կապված խնդիրներից: Շաբաթական երկու անգամ սիրով զբաղվելու դեպքում, ըստ գիտնականների, կրկնակի նվազում է սրտի ինֆարկտ ստանալու հավանականությունը:

Եվ վերջապես` սեքսը 10 տարով կրճատում է այն մարդկանց կյանքը, ովքեր դրանով զբաղվում են ամսվա ընթացքում ընդամենը մեկ անգամ:

Ի դեպ, այս լուրն ընթերցելիս մի հայկական անեկդոտ հիշեցի. կինը դիմում է դատարան ամուսնուց բաժանվելու համար: Դատարանում դատավորը հարցնում է տղամարդուն՝ գիտե՞ս, թե ինչու է կինդ ուզում բաժանվել քեզնից: Տղամարդը պատասխանում է՝ այո՛, անկողնում չեմ բավարարում: «Բա որ գիտես, ինչո՞ւ չես բավարարում…»,- շարունակում է դատավորը: «Ախր, ընկեր դատավոր, սնունդ չկա, սը-նունդ: Եթե սնունդ լիներ՝ իմ կնգան էլ, քո կնգան էլ, հարևանի կնգան էլ…»,- մեղավորի պես պատասխանում է ամուսնալուծվող տղամարդը:

Դե, հիմա պատկերացրեք՝ հայաստանյան գործազրկության պայմաններում հայ տղամարդն ինչ սնունդ է ստանում, որ շաբաթական երեք անգամ էլ սեքսով զբաղվի ու ավելորդ քաշից էլ ազատվի: Այնպես որ, հարգելի գիտնականներ, հայերի համար հիվանդությունները կանխելու մեկ ուրիշ հարմար զբաղմունք գտեք ու առաջարկեք:

Թարգմանությունը և մեկնաբանությունը՝ Նաիրուհի Նանյանի

Հարցեր, պատասխաններ, մեկնաբանություններ