Սեռական հարաբերությունից առաջ պետք է զերծ մնալ առատ և յուղալի սնունդից

«Նորմալ սեռական կյանքի համար պետք է հետևել առողջ սննդակարգի և օգտագործել միայն էկոլոգիապես մաքուր և թարմ մթերք»,- այսօր ասուլիսի ժամանակ խորհուրդ տվեց ԵՊԲՀ սեքսապաթոլոգիայի կլինիկայի բժիշկ-սեքսապաթոլոգ Վրեժ Շահրամանյանը:

Ըստ բանախոսի, ոչ միայն յուղառատ միսը, կոնսերվանտներով մթերքներն են բացսսաբար անդրադառնում սեռական նորմալ հարաբերությունների վրա, այլ նաև` ոչ ճիշտ սննդակարգը:

«Շատ անգամ սեռական հարաբերություններից առաջ տղամարդիկ առատ սեղանի են նստում, և ոչ գիտակցաբար ստամոքս ուղղարկում այն, ինչ սեղանին կա, դրա հետ միաժամանակ խմում են գազավորված ըմպելիքներ, ալկոհոլ: Բնական է, որ սեռական հարաբերությունների ժամանակ նրանք գերծանրաբեռնված են լինում և դա ազդում է նաև նրանց պոտենցիայի վրա, - նշեց բժիշկը` խորհուրդ տալով սեռական հարաբերություններից առաջ տղամարդկանց ձեռնպահ մնալ գազային խմիչքներից, զերծ մնալ առատ և յուղալի սնունդից` բավարարվել մի թեթև ճաշակելով:

«Պետք է հիշել, որ մարդու ուղեղը սննդի հագեցման ազդակը ստանում է միայն 20 րոպեից, այդ պատճառով միանգամից մարդը ծանրություն է սկսում զգալ ստամոքում», - նշեց նա:

Վրեժ Շահրամանյանը խորհուրդ է տալիս հետևել բնական և էկոլոգիապես մաքուր մթերքներից կազմված հատուկ դիետային. «Առավոտյան ցանկալի է ուտել մեղր և կաթնաշոռ, ձու, ձուկ, օրվա մեջ` հավի միս, օգտագործել մաղադանոս, սխտոր, սոխ, կաղամբ, գազար, բազուկ, սև հաց, լավաշ, ոսպ, ոլոռ, ընդ որում` ոլոռից և սիսեռից հետո հեղուկ չխմել, ծովամթերք, ընդեղեն` միայն թարմ վիճակում»:

Բժշկի խոսքով` պետք է զերծ մնալ երշիկեղենի օգտագործումից, քանի որ այդ մսամթերքում ևս շատ են կոնսերվանտները: Սեքսապաթոլոգը խորհուրդ է տալիս թե կանանց և թե տղամադրկանց ավելի շատ օգտագործել համեմունք;

Հարցեր, պատասխաններ, մեկնաբանություններ