Սեքսապաթոլոգ. Մշտական, կանոնավոր սեռական կյանքն իր դրական ազդեցությունն է ունենում առողջության վրա

Այն զույգերը, ովքեր իրենց կյանքը կառուցում են մշտական սեռական հարաբերությունների ֆոնի վրա, մեծ տարիքում ավելի երկար են պահում ինչպես սեքսուալ, այնպես էլ վերարտադրողական ֆունկցիան: Այս մասին ասուլիսում ասաց ԵՊԲՀ սեքսապաթոլոգիայի ամբիոնի վարիչ Սևադա Հակոբյանը: Նա նաև նշեց, որ մշտական, կանոնավոր սեռական կյանքն իր դրական ազդեցությունն է ունենում առողջության վրա:

Ինչ վերաբերում է տղամարդկանց կլիմաքսին, մասնագետն ասաց, որ վերջին շրջանում ավելի հաճախ են սկսել խոսել այդ մասին: Այն մի պրոցես է, որը պայմանավորված է ֆիզիլոգիական, հորմոնալ տեղաշարժերով և միշտ չէ, որ կլինիկորեն արտահայտվում է: «Ճիշտ ապրելակերպը, ռեգուլյար սեռական կյանքը, հանգստի և աշխատանքի ճիշտ կազմակերպումը, կանխում են նման պրոցեսների արտահայտվածությունը ու մինչև վերջ տղամարդը կարող է ունենալ առողջ սեռական կյանք և պահպանել այն բավարար մակարդակի վրա»,- ասաց սեքսապաթոլոգը:

Հոգեբան Լարիսա Պետրոսյանն ասաց, որ սեռական կյանքի անբավարար լինելու դեպքում զույգերի մոտ ագրեսիայի դեպքեր են նկատվում: Անձի վարքում զգացվում են ագրեսիայի դրսևորումներ: Ըստ նրա, սեռական խախտումները դասվում են երկու մասի` հոգեբանական և ֆիզիոլոգիական, որոնք անդրադառնում են զույգերի հարաբերությունների վրա, հետևաբար` սեռական կյանքի վրա:

Հարցեր, պատասխաններ, մեկնաբանություններ