Գիտնականներն աշխատում են նիկոտինի դեմ պատվաստանյութ ստեղծելու ուղղությամբ. 1in.am

Գիտնականներն աշխատում են նիկոտինի դեմ պատվաստանյութ ստեղծելու ուղղությամբ՝ հայտնում է direct-press.ru-ն: Կան պատվաստանյութեր, որոնք նախատեսված են օրգանիզմի իմունային համակարգն ակտիվացնելու համար, օրգանիզմում առաջացնում են հակամարմիններ, ինչի շնորհիվ նիկոտինն օրգանիզմից դուրս է բերվում մինչ գլխուղեղի ընկալիչներին հասնելը:

Դա գրավիչ գաղափար է, բայց Կալիֆոռնիայի գիտահետազոտական ինստիտուտի գիտնականների խոսքով՝ ավելի վաղ արտադրված պատվաստանյութերը զգալի թերություններ են ունեցել: Նրանք պնդում են, որ իրենց հաջողվել է լուծել այդ խնդիրը, և ներկայում ինքնուրույն ավելի արդյունավետ պատվաստանյութ են մշակում:

Կա նիկոտինի 2 ձև, և դրանք կարծես միմյանց մոլեկուլյար հայելային պատկերներ լինեն: Դրանք հայտնի են որպես ձախ և աջ տարբերակներ: Չնայած ծխախոտի ծխի մեջ նիկոտինի մոտ 99%-ը ձախ տարբերակն է՝ բիոդեղագործական ընկերության ստեղծած նախորդ պատվաստանյութը 2 տիպերի դեմ հակամարմիններ է առաջացրել:

Պրոֆեսոր Կիմ Յանդի խոսքով՝ դա նվազեցրել է իմունային պատասխանը, ինչի հետևանքով պատվաստանյութի արդյունավետությունը նվազել է: Այն գործել է կլինիկական փորձարկումների ժամանակ միայն 30% դեպքերում :

Դրա փոխարեն՝ գիտնականները ստեղծել են պատվաստանյութ, որն օրգանիզմին ստիպում է արտադրել միայն նիկոտինի ձախ մոլեկուլների դեմ ուղղված հակամարմիններ, և իմունային համակարգն արտադրում է այն հակամարմինները, որոնք պետք են: Լաբորատոր առնետների վրա փորձարկումների արդյունքում պարզվել է, որ պատվաստանյութը 60%-ով ավելի արդյունավետ է, քան այլընտրանքային տարբերակը, որն ավելի վաղ էր պատրաստվել:

Հարցեր, պատասխաններ, մեկնաբանություններ