Ինչո՞ւ է նույն տեղում երկար նստելը վտանգավոր. armeniamedicalcenter.am

Անգամ գեղեցիկ կազմվածքի դեպքում, եթե երկար ժամանակ եք անցկացնում նստած վիճակում, հարկ է զգուշանալ ճարպային կուտակումներից: Ընդ որում, դրանք ձևավորվում են ներքին օրգանների շուրջը: Դա կարող է բարձրացնել 2-րդ տիպի դիաբետի և սրտի հիվանդությունների ռիսկը, գրում է Daily Mail-ը: Ինչպես ցույց են տվել Լեստերի համալսարանի հետազոտությունները, նստակյաց մարդկանց մոտ լյարդի, ենթաստամոքսային գեղձի, երիկամների շրջանում սկսում է  կուտակվել վիսցերալ ճարպ  և ճարպային այլ կուտակումներ` որովայնային շրջանում, ընդհանրապես: Իսկ, ինչպես հայտնի է, վիսցերալ ճարպի մեծ քանակը կապված է ինսուլինային ռեզիստենտության, դիաբետի ռիսկի գործոնի հետ: Այդ ճարպային կուտակումները բարձրացնում են քաղցկեղի, կաթվածի, սրտի հիվանդությունների ռիսկը: Վիճակագրությունը փաստում է՝ աշխատունակ տարիքի մարդիկ ավելի շատ են նստում, քան` թոշակառուները:

Հետազոտությունների շրջանակում գիտնականները սկանավորել են 124 մարդու, որոնց մոտ կարող է դիաբետ զարգանալ, և հսկել են ֆիզիկական ակտիվությունը վերահսկող սարքերով: Գիտնականներին հետաքրքրել է, թե մարդը որքա՞ն են նստել շաբաթվա ընթացքում և միաժամանակ ապացուցել վիսցերալ ճարպի և երկարատև նստելու միջև կապը: Ընդ որում, կապն ավելի ուժեղ է եղել այն դեպքերում, երբ տվյալ անձը շաբաթվա ընթացքում չի տրամադրել 150 րոպե միջին ֆիզիկական ակտիվությանը:

Հարցեր, պատասխաններ, մեկնաբանություններ