Նեղ ներքնազգեստը բերում է ստամոքսաղիքային հիվանդությունների առաջացման և ոտքերի անոթների վարիկոզ լայնացման

Ավստրիացի փորձագետը կոչ է անում խուսափել նեղ և սեղմող ներքնազգեստի կանոնավոր օգտագործումից:  Շատ կանայք պատրաստ չեն ընդունել իրենց մարմնի իրական չափերը և ձգտում են ընտրել ավելի ձգող ներքնազգեստ՝ սեղմիրաններ, մայկաներ, թոփեր, կրծկալներ, անդրավարտիքներ և, նույնիսկ, կիսավարտիքներ: Այսպիսով, կանայք կարծում են, որ ավելի ձիգ և գրավիչ տեսք ունեն նույնիսկ 60 տարեկանում: Սակայն այս սովորությունn առողջության համար լուրջ վտանգ է ներկայացնում,- զգուշացնում է ավստրիացի բժիշկը:

Ֆրայշտադի (Ավստրիա) տարածաշրջանային դաշնային հիվանդանոցի ներքին հիվանդությունների բաժանմունքի գլխավոր բժիշկ Նորբերտ Ֆրիչը հաղորդում է, որ նեղ և սեղմող ներքնազգեստn ուժեղ ճնշող ազդեցություն է թողնում ստամոքսաղիքային ուղու օրգանների վրա, ներառյալ՝ ստամոքսը, աղիները, լյարդը, լեղապարկը և ենթաստամոքսային գեղձը:
 
Կարճաժամկետ հեռանկարում նեղ ներքնազգեստը կարող է առաջացնել այրոց, որը ժամանակի ընթացքում վերածվում է քրոնիկական էզոֆագիտի՝ ստամոքսի և կերակրափողի լորձաթաղանթի բորբոքման: Ախտահարվում է նաև միզապարկը, որը բերում է մեզի արտահոսքի խանգարման: Սեղմող ներքնազգեստը թուլացնում է իրանի մկանները՝ բերելով որովայնի և մեջքի մկանների դեգեներացիայի:

Սակայն ամենաուժեղ բացասական ազդեցությունը նեղ ներքնազգեստը թողնում է ոտքերի արյան շրջանառության վրա, որն ուղեկցվում է երակների վարիկոզ լայնացմամբ և նրանցում թրոմբների առաջացմամբ: Աղետի ազդանշան կարող են լինել ցավը կամ թմրածությունը:

Հարցեր, պատասխաններ, մեկնաբանություններ