Ապացուցվել է ուտելիքի բացասական ազդեցությունը կուշտ ստամոքսին. 1in.am

Իլինոիսի համալսարանի ասպիրանտ Դևիդ Գալը փորձ է կատարել, որի արդյունքում արձանագրել է արյան մեջ շաքարի կտրուկ բարձրացում առանց սովի զգացողություն ունենալու ուտելիք կուլ տալուց, հայտնում է N+1 կայքը:

Գիտնականը 45 կամավորների մասնակցությամբ փորձ է կատարել, ովքեր պետք է փորձից առաջ երկու ժամվա ընթացքում ոչինչ չուտեին: Նրանց առաջարկվել է գնահատել իրենց սովի զգացողությունը 0-7 սանդղակում, ապա ուտել ածխաջրով հարուստ ուտելիք միևնույն քանակով: Դրանից հետո Գալը չափել է նրանց արյան մեջ գլյուկոզայի մակարդակը 20, 35 և 50 րոպե անց:

Հետազոտողի խոսքերով` այն մասնակիցների մոտ, ովքեր գնահատել են իրենց սովը միջին մակարդակով, գլյուկոզայի մակարդակը բարձրացել է աննշան և արագ հասել է սկզբնական մակարդակին: Իսկ այն մասնակիցների մոտ, ովքեր սով չեն զգացել, գլյուկոզայի մակարդակը կտրուկ բարձրացել է և երկար ժամանակ չի իջել: Իսկ ուժեղ սով զգացածների մոտ գլյուկոզայի մակարդակը մոտ է եղել միջին սով զգացածների մակարդակին, սակայն նրա իջեցումը եղել է ավելի սահուն:

Հարցեր, պատասխաններ, մեկնաբանություններ