Ինչպես է քաղցրավենիքն ազդում մաշկի երիտասարդության և ձգվածության վրա. 1in.am

Հայտնի է, որ պարզ ածխաջրերի` հատկապես քաղցրավենիքի չարաշահումը կարող է հանգեցնել շաքարախտի և ճարպակալման, հայտնում է 03info.com-ը: Իսկ վերջերս գիտնականները հայտնել են դրանց ևս մեկ բացասական ազդեցության` մաշկի ժամանակից շուտ ծերացման մասին:

Շաքարի ավելցուկը փոխազդում է կոլագենի հետ, ինչը պատասխանատու է մաշկի երիտասարդության և ձգվածության համար: Արդյունքում խախտվում է կոլագենի կառուցվածքը, իսկ երբեմն այն նույնիսկ քայքայվում է: Դրա հետևանքով մաշկը դառնում է պակաս առաձգական ու ժամանակից շուտ առաջանում են կնճիռներ:

Քաղցրի մեծ քանակությունը առաջացնում է նաև օրգանիզմի ջրազրկում, աղիներում նեխման գործընթացներ և արյան մեջ գլյուկոզայի մակարդակի բարձրացում:

Խորհուրդ է տրվում քաղցրավենիքը մասամբ փոխարինել թարմ մրգերով, բանջարեղենով և ընկույզով:

Հարցեր, պատասխաններ, մեկնաբանություններ