Թաց անձեռոցիկները նպաստում են ինֆեկցիաների տարածմանը. med.news.am

Թաց անձեռոցիկները ո՛չ միայն չեն սպանում բակտերիաները, այլ նաեւ նպաստում են դրանց տարածմանը, ինչը նկատելիորեն ավելի հավանական է դարձնում կյանքի համար վտանգ ներկայացնող ինֆեկցիաների տարածումը, կարծում են Քարդիֆի համալսարանի (Մեծ Բրիտանիա) մասնագետները: Բացի այդ, գիտնականների խոսքով, այս անձեռոցիկները չի կարելի երկու կողմից օգտագործել:

Թաց անձեռոցիկները հատկապես վտանգավոր են հիվանդանոցների տարածքում, որտեղ կան բազմաթիվ հիվանդներ՝ թուլացած իմունիտետով: Մյուս կողմից՝ օգտագործել դրանք տանը եւս պետք չէ, քանի որ դա ավելի հավանական է դարձնում ինֆեկցիաների տարածումը մի վայրից մյուս վայր տեղափոխման հետեւանքով: Ամենամեծ ռիսկն ի հայտ է գալիս այն ժամանակ, երբ միեւնույն անձեռոցիկն օգտագործում են երկու կողմից՝ զուգարանում:

Սա նմանատիպ առաջին հետազոտությունն է, որի ընթացքում գիտնականները հետազոտել են թաց անձեռոցիկների 7 ամենատարածված տեսակները եւ փորձել պարզել. կարո՞ղ են արդյոք դրանք ապահովել հիվանդանոցային ինֆեկցիաների կախարգելումը, ներառյալ՝ ոսկեգույն ստաֆիլոկոկը կամ փայտացման ցուպիկը: Պարզվեց, որ անձեռոցիկները չէին կատարում այս ֆունկցիան: Յուրաքանչյուր առանձին դեպքում անձեռոցիկները չէին ոչնչացնում բակտերիաները, այլ նպաստում էին դրանց՝ մեկ մակերեսից մյուսը տեղափոխվելուն:

Հետազոտության արդյունքները լույս են տեսել American Journal of Infection Control ամսագրում:

Հարցեր, պատասխաններ, մեկնաբանություններ