Սառեցված ծովախեցգետինը 60 տոկոսով հագեցած է վնասակար մանրէներով. tert.am

Սպառողների հաշվետվության հրատարակած ուսումնասիրության արդյունքում նշվում է, որ սառեցրած ծովախեցգետինը հարուստ է վնասակար մանրէներով, որոնք կարող են հիվանդության պատճառ դառնալ:

Ինչպես գրում է Daily Mail-ը` այս տեղեկությունները ստացվել են սառեցրած  խեցգետնի  342 տուփ ուսումնասիրելիս, որի 60 տոկոսը հագեցած էր վնասակար մանրէներով:  Այդ մանրէներից է վիբրիոնը, որը հաճախ ասոցացվում է հում խխունջների հետ և մահացու է համարվում մարդկանց համար:

Ինչպես նկատում է The Huffington Post-ը` մանրէների առկայությունը պայմանավորված է օվկիանոսներում բարձրացող ջերմաստիճանով: Ստուգման ժամանակ որոշ նմուշներում նաև հակաբորբոքային նյութի հետքեր են հայտնաբերվել:

Հարցեր, պատասխաններ, մեկնաբանություններ