Որոշ ապրանքատեսակներ ոչ թե բավարարում, այլ սաստկացնում են քաղցի զգացումը. tert.am

Որոշ ապրանքատեսակներ ոչ թե բավարարում, այլ՝ սաստկացնում են քաղցի զգացումը: Որպես կանոն՝ դրանք բարձր գլիկեմիկ ինդեքսով ապրանքատեսակներ են, որոնք մարսվում են շատ արագ և կտրուկ բարձրացնում արյան մեջ շաքարի մակարդակը:
 
Այս մասին հաղորդում է Meddaily.ru-ն՝ հղում կատարելով The Sydney Morning Herald-ին:

Արդյունքում՝ մարդիկ ուտելուց գրեթե անմիջապես հետո կրկին քաղց են զգում, ինչն էլ շատակերության է հանգեցնում:
 
Այդպիսի ապրանքատեսակներից են՝ գրեթե մանրաթելեր չպարունակող սպիտակ հացը, հյութերը: Աղի նախուտեստները՝ կրեկերը կամ չիպսերը, ախորժակ են բացում:

Արագ սնունդը, ալկոհոլը, իտալական խոհանոցը, սուշին, նախաճաշի համար նախատեսված եգիպտացորենի խրթխրթան փաթիլները վտանգավոր են առողջության և կազմվածքի համար:

Դրանք մեծ քանակությամբ աղ և շաքար են պարունակում: Ալկոհոլային խմիչքները նպաստում են օրգանիզմի հագեցվածության համար պատասխանատու լեպտին հորմոնի նվազեցմանը

Հարցեր, պատասխաններ, մեկնաբանություններ