Արգելքի սպառնալիքի տակ են Chanel № 5-ի վտանգավոր բաղադրիչները

Եվրահանձնաժողովն սկսել է ուսումնասիրել Chanel № 5-ի և այլ հայտնի օծանելիքների արտադրության մեջ օգտագործվող 12 բաղադրիչի արգելման հարցը: Այս մասին հաղորդում է Лента.ru-ն՝ հղում կատարելով The Independent-ին:

Ալերգիկ մարդկանց համար պոտենցիալ վտանգ ներկայացնող նյութերը կարող են արգելվել 2014 թվականի օգոստոսին, ինչն էլ վտանգի տակ կդնի մի շարք հայտնի օծանելիքների գոյությունը:

Օծանելիքների բաղադրիչների ցուցակը համալրել են տոնկայի բոբիները՝ կումարինի պարունակության պատճառով, որի բյուրեղները թարմ խոտի բույր են հիշեցնում, վարդի յուղը, որը մեխակի բույր հիշեցնող էվգարին է պարունակում:

Միևնույն պատճառով արգելքի տակ կարող են հայտնվել կիտրոնի և մանդարինի յուղերը, փայտի մամուռների թուրմերը և հազվագյուտ շուշանների բույր հիշեցնող HICC սինթետիկ մոլեկուլները:

Սա կարող է ազդել ինչպես խոշոր ապրանքանիշերի՝ Chanel-ի, Hermes-ի, Dior-ի և Guerlain-ի, այնպես էլ՝ ոչ այնքան մեծ ճանաչում ունեցող ապրանքանիշի բույրերի վրա:

Հարցեր, պատասխաններ, մեկնաբանություններ