Հրապարակվել է մարդու հոգեկանի վրա բացասաբար անդրադարձող մթերքների ցանկը

Իսպանացի հետազոտողները կազմել են մթերքների ցուցակ, որոնք կարող են վատ անդրադառնալ մարդու հոգեկանի վրա, եթե դրանք չարաշահեն: Նման սնունդը կարող է տագնապի, ջղագրգռության եւ անգամ դեպրեսիայի զգացում առաջացնել: Այս մասին հաղորդում է ՌԲԿ daily-ն:

Մարդկային հոգեկանի վրա բացասաբար անդրադարձող սնունդ է ֆասթ-ֆուդը, ալյուրից պատրաստված մթերքը, թխվածքաբլիթները, որոնք պատրաստում են ֆաբրիկաներում:

Էքսպերիմենտին մասնակցել են 9000 կամավորներ: Նրանք տարբեր սնունդ են փորձել: Հետազոտությունը ցույց է տվել, որ այդ սննդամթերքն օգտագործողներն ավելի ագրեսիվ են դարձել: Նրանք, ում սննդակարգում գերակայել է միրգն ու բանջարեղենը, ավելի հանգիստ են եղել:

Իսպանացի գիտնականների հետազոտությունների համաձայն, եթե գրգռիչ սննդամթերքը պարբերաբար է օգտագործվում, ապա մարդու հոգեվիճակը վատանում է արդեն մեկ ամիս անց: Պատճառը տրանս-ճարպերն են, որոնք օրգանիզմը վատ է յուրացնում եւ կուտակվում է ներքին օրգաններում:

Հարցեր, պատասխաններ, մեկնաբանություններ