Սթրեսի ժամանակ քաղցր ուտելը ավելի է խորացնում դեպրեսիվ վիճակը

Ինչպես հաղորդել են հետազոտողները, վերջին 50 տարվա ընթացքում մշակված շաքարավազի օգտագործումը կրկնապատկվել է, քանի որ ժամանակակից մարդիկ հակված են սթրեսի ժամանակ քաղցրավենիք ուտել:

Սակայն մասնագետների նոր տվյալները վկայում են հակառակ գործընթացի մասին: Որքան շատ շաքարավազ է օգտագործում մարդը, այնքան ուժեղանում է դեպրեսիվ տրամադրությունը:

Ըստ բժիշկների, գիտնականների, դիետոլոգների, հոգեբույժների ու հոգեբանների, որոնք ուսումնասիրել են սննդի ու հոգեկան առողջության կապը, վարքի փոփոխությունների և արյան մեջ շաքարավազի մակարդակի միջև կա կորելյացիոն կապ:

Ինչպես ցույց է տվել ուղեղի սքանավորումը՝ շաքարավազը կարող է օրգանիզմի կախվածություն առաջացնել թմրանյութի նման՝ հաղորդում է Mignews-ը:

Դիետոլոգները խորհուրդ են տալիս սթրեսի ժամանակ հատապտուղներ, կանաչ բանջարեղեն, հնդկահավ ու ընկույզ օգտագործել: Հատապտուղները հարուստ են վիտամին C-ով, որն օգնում է վերահսկել արյան մեջ շաքարի մակարդակը: Բանջարեղենը օրգանիզմը ապահովում է վիտամիններով ու հանքանյութերով: Հնդկահավը ամինաթթուներ են պարունակում, որը արտադրում է օգտակար սերոտոին հորմոնը: Ընկուզեղենը բարելավում է իմունային համակարգը, որպեսզի օգնի նվազեցնել սթրեսը:

Հարցեր, պատասխաններ, մեկնաբանություններ