Գազավորված ըմպելիքների սիրահարներն առավել հակված են դեպրեսիայի, քան կոֆեմանները

Ամերիկյան գիտնականների վերջին հետազոտությունները ցույց են տվել, որ գազավորված ըմպելիքների սիրահարներն առավել հակված են դեպրեսիայի, քան կոֆեմանները:

Ըստ The Women’s Health-ի, հետազոտությանը մասնակցել է շուրջ 265 հազար մարդ: Գիտնականները նրանց հարցրել են, թե ի՞նչ ըմպելիքներ են խմում օրվա ընթացքում եւ որքա՞ն հաճախ են այցելում հոգեբանի դեպրեսիայի պատճառով:

Հետազոտության արդյունքում գիտնականները հանգել են եզրակացության, որ գազավորված քաղցր ըմպելիքների սիրահարները, որոնք այն խմում են օրական ավելի քան 4 անգամ, 38%-ով ավելի շատ են ենթարկվում դեպրեսիայի, քան նրանք, ովքեր այն չեն խմում: Բացի այդ, հետազոտողները հաշվարկել են, որ նրանք, ովքեր դիետիկ գազավորված ըմպելիքներ են խմում, ավելի շատ են ենթարկվում դեպրեսիայի: Հոգեպես ամենից կայունը, պարզվում է, սուրճի սիրահարներն են: Հայտնի է, որ սուրճը խթանում է ուղեղի աշխատանքը եւ բազմաթիվ հակաօքսիդներ են պարունակում, որը եւ այն օգտագործելուց հետո տրամադրության բարձրացման պատճառ կարող է հանդիսանալ:

Հարցեր, պատասխաններ, մեկնաբանություններ