«Բջջային հեռախոսը մարդուն խանգարում է երջանիկ լինել». բրիտանացի գիտնական

Լոնդոնի տնտեսագիտության դպրոցի պրոֆեսոր Փոլ Դոլանը խիստ քննադատում է բջջային հեռախոսի հաճախակի օգտագործումը: Նա կարծում է, որ երջանկության գաղտնիքը պարզ է. անհրաժեշտ է միայն անջատել հեռախոսը և շատ ժամանակ տրամադրել ընտանիքին ու ընկերներին՝ հաղորդագրություններ կարդալու փոխարեն:

Ըստ նրա՝ եթե մարդիկ չփոխեն իրենց սովորությունները, կարող են շատ լուրջ հոգեբանական խնդիրներ ունենալ: «Մենք մշտապես տարված ենք մեր հեռախոսով, և դա թանկ կնստի մեզ վրա։ Եթե մենք ավելի շատ ուշադրություն հատկացնենք մեր ընկերներին, անջատենք բջջայինը և վայելենք նրանց հետ շփումը, դա ավելի լավ կլինի, քան մշտապես հեռախոս փորփրելը»,- մեկնաբանում է Դոլանը։ Ինչպես հաղորդում է Yoki-ն, պրոֆեսորն ավելացրել է նաև, որ երջանկության զգացումը կապ չունի հարստության հետ:

Հարցեր, պատասխաններ, մեկնաբանություններ