Գիտնականները կազմել են մարդու տրամադրությունը գցող մթերքների ցուցակը

Հայտնի է, որ սննդի օգտագործման գործընթացն ակտիվացնում է երջանկության հորմոնների, ավելի ստույգ` էնդորֆինների արտադրությունը: Սակայն գիտնականները պարզել են, որ բոլոր մթերքները չէ, որ կարող են մարդուն լիարժեք երջանկության զգացողություն տալ,- փոխանցում է Globalscience-ը:

Մթերքների որոշ տեսակներ չեզոք են մարդու համար այն դեպքում, երբ մյուսները եջանկության զգացողություն են պարգևում միայն կարճ ժամանակով, իսկ հետո լինում է տրամադրության ավելի անկում, քան նախքան ուտելն էր:

Ամերիկացի գիտնականները կազմել են մարդու տրամադրությունը գցող մթերքների ցուցակը։ Դրանք են.

Չիպս: Սա շատ վտանգավոր մթերք է, որն ամբողջությամբ բաղկացած է մարդու օրգանիզմի համար վնասակար թթվային միացություններից, քաղցկեղածին ակրիլամիդից: Դրանք բացասաբար են անդրադառնում մարդու օրգանիզմի վրա և կախվածություն են առաջացնում, ստամոքսաաղիքային շատ հիվանդությունների աղբյուր են:

Խոզապուխտ: Այն մեծ քանակությամբ լցանյութ, շաքար, ներկանյութ, կոնսերվանտներ, նիտրանտներ և աղ է պարունակում, որոնք վատ տրամադրություն ստեղծելու հատկություն ունեն: 

Քաղցր ոչ ալկոհոլային խմիչքներ: Այսպիսի խմիչքների օգտագործումից հետո կտրուկ բարձրանում և իջնում է շաքարի պարունակությունը, ինչը հանգեցնում է տրամադրության կտրուկ անկման: Այս խմիչքները նույնիսկ ընկճախտ առաջացնող միջոցների շարքում են: Դրանք նաև նեյրոդեգեներատիվ հիվանդություններ են առաջացնում:

Մարգարին: Գիտնականները վերջերս պարզել են, որ այն ևս բացասաբար է ազդում տրամադրության վրա:

Դդմի վերամշակված սերմեր: Դրանք մշակվում են կալիումի բրոմատի միջոցով, ինչը հանգեցնում է վահանաձև գեղձի աշխատանքի արգելափակման:

Արախիս: Աղի արախիսը մշակված է նատրիումի գլուտամատով և մեծ քանակութայմբ կասկածելի ծագման հավելանյութերով: Այս մթերքը ևս տրամադրության վրա բացասաբար ազդելու հատկություն ունի:

Հարցեր, պատասխաններ, մեկնաբանություններ