Ցավազրկողներն ու հակադեպրեսանտները` տկարամտության պատճառ

Տարածված ինֆեկցիաներն ու դեղամիջոցները կարող են հանգեցնել մարդու ուղեղում խառնաշփոթի առաջացմանը և տարեց մարդկանց ցնորականության ձևավորմանը:

Հակադեպրեսանտների, ցավազրկողների և հանգստացնող հաբերի ընդունման պատճառով առաջացող այդ ախտանիշը նկատվում է հոսպիտալացված տարեց մարդկանց առնվազն 15%-ի դեպքում: Քեմբրիջի համալսարանը ներկայացնող Դենիել Դևիսի ուսումնասիրությունները ցույց են տվել, որ նույնիսկ հիվանդանոցից դուրս գրվելու դեպքում խնդիրը շարունակում է ակտուալ մնալ:

Ուսումնասիրության 10 տարվա ընթացքում գնահատվել է 553 մարդու հիշողություն և մտածելու ունակություն: Գեթ մեկ անգամ ախտանիշին առնչություն ունեցած մարդկանց մոտ 77%-ն ունեցել է տկարամտություն:

Այսպիսով, ուսումնասիրողները եզրահանգել են, որ եթե մարդու տկարամտությունը զարգացել է գեթ մեկ ախտանիշ հայտնաբերելուց հետո, այդ հիվանդների հիվանդության ընթացքը տարբերվում է սովորական տկարամտությունից և ոչ մի նմանություն չունի ստանդարտ հիվանդության ախտանիշների հետ: Իսկ եթե տկարամտություն եղել է, ապա ախտանիշի հայտնաբերումից հետո այն խորացնում է հիվանդությունը և բարձրացնում մահացության ցուցանիշը:

Հարցեր, պատասխաններ, մեկնաբանություններ