Շոգ եղանակին պաղպաղակն ու սառն ըմպելիքը վտանգավոր է առողջությանը

Բժիշկները խորհուրդ են տալիս շոգ եղանակին հրաժարվել պաղպաղակից եւ վերանայել սառը ցնցուղ ընդունելու սովորությունը։ «МедВести»-ի տեղեկացմամբ՝ մասնագետների տվյալներով, բրոնխիտը, անգինան, լարինգիտը, տոնզիլիտը եւ վերին շնչառական ուղիների հիվանդությունները տարվա շոգ եղանակին աճում են 10 տոկոսով։ «Որքան փողոցում շոգ է, այնքան ավելի շատ մարդ է դիմում մեզ։ Նրանք դժգոհում են հարբուխից, կոկորդում ցավից, միեւնույն ժամանակ ուշադրություն չեն դարձնում, որ փողոցում ջերմաստիճանը շատ բարձր է, սակայն իրենք ագահությամբ սառը ըմպելիքներ են օգտագործում»,- ասել է քիթ կոկորդի բժիշկ Նատալյա Պելեշենկոն։

Բժիշկների կարծիքով՝ մարդկանց համար մեծ վտանգ են ներկայացնում նաեւ օդորակիչները։ Խնդիրը ոչ միայն սառը օդի հոսքն է, այլեւ օդորակիչից սենյակ անցնող փոշու մանր հատիկները։

Հարցեր, պատասխաններ, մեկնաբանություններ