ԱՀԿ-ն բջջային հեռախոսները դիտարկում է որպես «քաղցկեղածին»

Առողջապահության համաշխարհային կազմակերպության (ԱՀԿ) փորձագետները հայտարարել են. «Բջջային հեռախոսների օգտագործումն ավելացնում է ուղեղի քաղցկեղի որոշակի տեսակների զարգացման ռիսկը»:

ԱՀԿ քաղցկեղի ուսումնասիրության Միջազգային ընկերության աշխատանքային խմբի նստաշրջանում, որի կազմում մտել են աշխարհի 14 երկրներից` 31 գիտնականներ, քննարկել են բջջային հեռախոսների քաղցկեղածին համարելու գիտական փաստերը:

Սակայն այս ոլորտում անհրաժեշտ են լրացուցիչ գիտական հետազոտություններ: Հիշեցնենք, որ առաջ ԱՀԿ մասնագետները պնդում էին, որ գլխուղեղի քաղցկեղի զարգացման և բջջային հեռախոսների միջև որևէ կապ չի հայտնաբերվել: Նախորդ արդյունքները վերանայելուց հետո հետազոտական աշխատախումբը չի բացառում բջջային հեռախոսների ճառագայթած էլեկտրամագնիսական դաշտերի քաղցկեղածին ազդեցությունը: Գիտնականների կարծիքով բջջային հեռախոսների օգտագործումը կարող է պատճառ լինել այնպիսի քաղցկեղի առաջացման, ինչպիսին է գլիոման: Խորհուրդ է տրվում օգտագործել ականջակալեր` պաշտպանվելու համար:

Մարդու համար քաղցկեղածին լինելու ապրանքի ավանդական դասակարգումը հետևյալն է՝ «քաղցկեղածին», «հավանաբար քաղցկեղածին», «հնարավոր քաղցկեղածին», «հավանաբար ոչ քաղցկեղածին»: ԱՀԿ քաղցկեղի ուսումնասիրության Միջազգային ընկերության մասնագետները բջջային հեռախոսները համարում են «հնարավոր է քաղցկեղածին»:

Բջջային հեռախոսները` ХХ դարի ութսունականներին ի հայտ գալու պահից ի վեր, աշխարհում լայն տարածում են գտել: Այսօր բաժանորդների  թիվը կազմում է 5 մլրդ: Բջջային  հեռախոսն ամենօրյա կյանքի անքակտելի մասն է կազմում:  Փորձագետների կարծիքով մարդիկ անգամ իրենց կյանքին հնարավոր վտանգի պայմաններում չեն հրաժարվի բջջային հեռախոսներից:

Հարցեր, պատասխաններ, մեկնաբանություններ