Ստեղծվել են մատանիներ, որոնք թույլ են տալիս զգալ սիրելի մարդու սրտի աշխատանքը` անկախ տարածությունից. tert.am

Տեխնոլոգիական առաջընթացի դարաշրջանում սիրելի մարդու հետ կապի մեջ լինելն առավել քան հեշտ է: Մենք կարող ենք ամեն վայրկյան զանգահարել նրան, հաղորդագրություն գրել կամ տեսաձայնային կապով կապվել` փորձելով լրացնել նրա պակասը:

Ինչպես նշում է boredpanda.com կայքը, այժմ ստեղծվել են այնպիսի մատանիներ, որոնք թույլ են տալիս իրական ժամանակի ռեժիմում զգալ նաև սիրելի մարդու սրտի աշխատանքը` անկախ նրանից, թե երկուսի միջև ինչ տարածություն է:

Ուշագրավ նորույթը, որը ստացել է HB անվանումը, ստեղծվել է The Touch ընկերության կողմից: Այն ունի մինիմալիստական ոճի դիզայն, պատրաստված է չժանգոտող պողպատից ու վարդագույն ոսկուց, ինչպես նաև զարդարված է շափյուղայով:

Մատանիները սմարթֆոնի Bluetooth-ի միջոցով հատուկ հավելվածով կապված են: Հեռախոսով համացանցին միացված լինելու դեպքում կարելի է թեթև հպվել մատանուն ու զգալ աշխարհի մյուս անկյունում գտնվող սիրող սրտի բաբախյունը:

Հարցեր, պատասխաններ, մեկնաբանություններ