Արտաքին գրավչությունը մեծ դեր չի խաղում զուգընկեր ընտրելիս. հոգեբաններ

Ֆլորիդացի գիտնականները հետազության արդյունքում պարզել են՝ ինչու են որոշ գրավիչ տղամարդիկ և կանայք շարունակում միայնակ մնալ: Գիտնականների աշխատանքի մասին տեղեկացնում է Personality and Social Psychology Bulletin ամսագիրը:

Գիտնականներն ուսումնասիրել են 6 անկախ հետազոտությունների արդյունքներ այն մասին, թե ինչու են տղամարդիկ և կանայք ընտրում այս կամ այն զուգընկերոջը: Պարզվել է՝ արտաքին գրավչությունը գլխավոր գործոնը չէ կյանքի ընկեր ընտրելիս: Գիտնականները նաև պարզել են, որ կան մի շարք պատճառներ, որ մարդիկ չեն ուզում գրավիչ զուգընկերոջ կողքին լինել: Այդ պատճառների թվում են՝ տարբեր կրոնական հայացքները, պոտենցիալ սիրելիի սոցիալական ցածր կարգավիճակը, անառողջ կենսակերպը, վատ բնավորությունը:

Ըստ գիտնականների՝ «ամբողջ կյանքի համար զուգընկեր ընտրելիս մարդն ավելի շուտ ուշադրություն է դաձնում նրա թերություններին, քան արժանիքներին»: Դա, հետազոտողների խոսքով, պայմանավորված է նրանով, որ էվոլյուցիայի ընթացքում մարդը սովորել է ամեն ինչի մեջ կասկածելին և բացասականը փնտրել, ինչն էլ նպաստել է նրա գոյատևմանը:

Հարցեր, պատասխաններ, մեկնաբանություններ