Կրթված կանանց հետ տղամարդիկ ապրում են ավելի երկար. հետազոտություն. 1in.am

Gogetnews.info-ի փոխանցմամբ՝ շվեդ գիտնականների խումբը հաստատել է տղամարդկանց կյանքի տևողության ու նրանց կրթված կանանց միջև կապը։ Հաղորդվում է, որ խելացի կանանց հետ ավելի լավ է ապրել։

Հետազոտողներն ուսումնասիրել են մոտ 1.5 միլիոն զույգերի առողջությունը։ Ուշադրությունը կենտրոնացվել է նրա վրա, թե ինչ կրթություն է ստացել կինը։ Սակայն, դրա հետ մեկտեղ, հաշվի է առնվել, թե ինչ տեսք ունի նա։

Արդյունքները զարմացրել են անգամ փորձի հեղինակներին։ Պարզվել է, որ այն տղամարդիկ, ովքեր կին են ընտրել ոչ թե ըստ գեղեցկության, այլ՝ խելացիության, ապրում են ավելի երկար։ Ընդ որում, նրանց սեփական ինտելեկտուալ հմտությունները որևէ կերպ չեն ազդել կյանքի տևողության վրա։

Գիտնականները նման արդյունքը բացատրում են ընտանիքում կնոջ խաղացած դերով։ Խելացի կինը հասցնում է ամեն ինչ. և՛ դաստիարակել երեխաներին, և՛ հետևել տնտեսությանը, և՛ մտահոգվել ամուսնու մասին։

Հարցեր, պատասխաններ, մեկնաբանություններ